Nisi në Riad gjyqi ndaj 11 personave të akuzuar për vrasjen e gazetarit saudit Jamal Khashoggi, ku prokurorët kanë kërkuar dënimin me vdekje për pesë prej tyre.
Khashoggi, një kritik asaj pjese të regjimit saudit të lidhur me princin e Kurorës Mohammed bin Salman, jetonte prej kohësh në Shtetet e Bashkuara. Ai u vra pasi hyri në konsullatën saudite në Stamboll më 2 tetor të vitit të kaluar.
Prokurorët thonë se ai u vra në një operacion të agjentëve “të penduar” të dërguar për ta bindur atë që të kthehej në Mbretëri.
Arabia Saudite refuzoi një kërkesë turke për të ekstraduar 18 të dyshuar për gjykim, duke përfshirë 15 agjentë të dyshuar që thuhet se janë dërguar në Stamboll për të kryer vrasje.
Mediat shtetërore saudite raportojnë pak informacion mbi gjykimin, përveç faktit se ka filluar seanca e parë në gjykatën penale që ka të bëjë me këtë rast dhe se avokatët e të dyshuarve ishin të pranishëm.
Në lajmet e mëparshme, u raportua se edhe dhjetë persona të tjerë ishin nën hetim.
Nga ana tjetër, Turqia ka identifikuar 15 njerëz që besohet të jenë agjentë sauditë të cilët kanë ardhur dhe janë larguar nga Stambolli para dhe pas vrasjes. Sidoqoftë, nëse ndonjë prej tyre është në gjykim në Riad, ky fakti ka mbetur i panjohur.
Pas vrasjes, disa qarqe ndërkombëtare kanë akuzuar princin Bin Salman se qëndron pas saj, pasi ai ishte në shënjestër të kritikave të të ndjerit. Por princi ka mohuar çdo përfshirje në krim
Ai ka deklaroi madje se “një krim i tillë i tmerrshëm nuk mund të justifikohet”.
SHBA ka imponuar sanksione ndaj 17 zyrtarëve sauditë, duke përfshirë edhe Saud Al-Qahtani, një ish-këshilltar i princit, duke e konsideruar përgjegjës “për planifikimin dhe zbatimin e operacionit”, që çuan në vrasjen Khashoggi.
Pjesa tjetër makabre e vrasjes është se trupi i gazetarit rezulton i zhdukur. /tesheshi.com/
