Gjykata Federale Zviceriane e ka hedhur poshtë një ndalim të mbajtjes së shamive të kokës në shkollë, të vendosur nga një komunë e St. Gallen-it.
Vendimi i gjykatës gjatë kësaj fundjave i jep fund një procesi të nisur dy vite më parë, kur autoritetet e shkollës së komunës së St. Margrethen-it iu kundërvunë një muslimaneje 14-vjeçare që mbante hixhab në klasë. Ankimimi i shkollës u bazua në një rregull komunal që e ndalonte mbajtjen e veshjeve fetare.
Ndërsa puna nuk u la me kaq, gjykata administrative kantonale u shpreh kundër protestës së shkollës, pasi prindërit e vajzës nuk pranonin ta dërgonin atë në mësim pa hixhab.
Gjykata Federale vendosi këtë të premte kundër apelit të shkollës ndaj vendimit të gjykatës administrative kantonale. Gjykata Federale e arsyetoi përfundimin e vet me faktin se ndalimi i mbajtjes së hixhabit nuk ishte parakusht për mësimdhënie efektive.
Njëri prej anëtarëve të Gjykatës Federale do të shprehej, “Vënia e një shamie koke nuk e bën dikë të pasjellshme apo të padisiplinuar.” /tesheshi.com/
