Zyrtari i ngarkuar për Kosovën në qeverinë e
Beogradit, Marko Gjuriq, deklaroi për televizionin publik serb RTS, se nuk e kuptonte pse mediat kanë shkruar për një vizitë që do të zhvillohej sot në Kosovë, nga ana e kryeministrit Aleksandër Vuçiç.
Siç, bën të ditur B92, Gjuriq tha se Kryeministri serb, Aleksandar Vuçiç, do të vizitojë Kosovën në 20 ditët e ardhshme, por data do të përcaktohet nga Protokolli.
Gjuriq tha se shefi i tij nuk do të vizitojë vetëm veriun e Kosovës por edhe enklavat e tjera të serbëve në Kosovë.
“Kryeministri do të vizitojë komunitetet serbe si në veri dhe në jug të lumit Ibër serbe, dhe do të bisedojë me popullin serb”, tha GJuriq për RTS.
Ai shtoi se situata në jug të Ibrit është komplekse, dhe për këtë arsye është e nevojshme përkrahja dhe solidariteti i Beogradit. /tesheshi.com/
