Çdo ditë në të ashtëquajturën “çadër të lirisë” kreu i opozitës Lulzim Basha shfaqet live në fjalimet e tij politike. Pavarësisht se kë ka të ftuar aty (të rinj, pensionistë, pedagogë, gazetarë) në gjestikulacionin e tij gjatë fjalimit që mban ka të njëjtin “gjuhë trupi”, gishtin tregues të njërës dorë që e drejton lart ose drejt përpara.
Gjuha e trupit ndonjëherë flet më shumë se fjalët, por nëse do të studiojmë pikërisht këtë gjestikulacion, pra gishtin tregues të drejtuar përpara ose lart, flet shumë për atë që Basha artikulon dhe me fjalë, por jo vetëm.
Sipas ekspertëve që studiojnë “gjuhën e trupit” në politikë, ky veprim është gjest autoritar, tregon ashpërsi, por dhe nervozizëm ose padurim.
Gishti i Bashës nuk i drejtohet në veçanti një personi pranë tij, por i drejtohet kundërshtarit të tij politik. E ndërsa gishtin e lëviz në ajër ai e shoqëron me frazat “qeveri teknike” apo “nuk lëkundemi që këtu” “të vendosur për zgjedhje të lira” etj., fraza që shkojnë në kordinancë me gjestikulacionin e tij joverbal.
Nuk dihet nëse Basha e ka të paramenduar këtë veprim, i këshilluar nga stafi i tij, apo i vjen në mënyrë instiktive për të përforcuar “premtimet” verbale.
Në politikën botërore janë të rrallë liderët që përdorin gishtin tregues në këtë mënyrë. Donald Trump e ka përdorur gjatë fushatës së tij të fundit, si dhe ish-kryeministri britanik David Cameron.
Çfarë thonë ekspertët:
Të drejtosh gishtin në një person ndërsa je duke folur, është një gjest autoritativ. Njerëzit e bëjnë këtë kur duan të impostohen tek të tjerët, tek prindërit për fëmijët e tyre apo mësuesit për nxënësit e padisiplinuar. Kjo është një mënyrë për të ulur poshtë atë që ke përballë dhe zakonisht interpretohet si agresiv dhe gjest zemërimi. Kur bëhet me ndonjë mik kjo është një shfaqje e arrogancës – kjo është shenjë konfrontuese, pushtuese dhe fyese.
Në çdo rast, është konsideruar shpesh si gjest i pasjellshëm tek një person. Është më e rafinuar për të përdorur gjithë dorën.
Duke treguar një gisht në ajër i shton theksin fjalëve të tua. Ai bind njerëzit në autoritetin tuaj. Ju mund të vëreni se si politikanët apo predikuesit e përdorin këtë kur ata flasin.
Rasti i Cameron-it
Kur ish-kreu i Partinë Laburiste, David Cameron po fliste për një skandal që akuzohej qeveria e tij, ai ashpërsoi tonet e fjalimit të tij dhe momentet e zemërimit i shoqëroi në mënyrë tipike nga një gjest me gisht tregues si kamë, i cili kupton një qëndrim agresiv.
Rasti i Trump-it
Presidenti amerikan Donald Trump kishte një gjuhë trupi të veçantë dhe shumë ekspresive gjatë gjithë fushatës së tij. Siç e përshkruajnë ekspertët, gjestit me gishtat bashkuar që nënkupton “ok” apo duart e hapura ai herë pas here përdori dhe gishtin tregues, që konsiderohet si fyese në gjitha kulturat. Ai e shoqëronte këtë gjest dhe zemërim të dukshëm në fytyrë që shprehte autoritarizmin e tij. /tesheshi.com/
