Të gjithëve na ka ndodhur të kemi plagë të këtij lloji në gojë, të cilat njihen përgjithësisht si ulcera të gojës. Ato shfaqen si shenja të dhimbshme dhe aspak të bukura estetikisht në pjesën e brendshme të buzës. Këto shenja mund të shfaqen me ngjyra të ndryshme si e bardhë, e verdhë apo edhe gri.
Në pjesën më të madhe të rasteve ato shfaqen në buzë, në majën e gjuhës, në anësore të buzëve apo edhe në qafë. Pra, cila është rruga natyrale për të shpëtuar dhe për t’i parandaluar ato?
Shkaqet
Ulcera mund të shkaktohet nga faktorë të ndryshëm. Shkaqet më të zakonta janë:
Trashëgimia
Mungesa e vitaminave apo mineraleve
Imuniteti i dobët
Çrregullime të tretjes
Alergji nga ushqimet
Dëmtime fizike
Kjo lloj ulcere mund të shfaqet edhe si pasojë e problemeve me lëkurën, çrregullimeve të sistemit kardio-vaskular apo problemeve konjitive. Në fakt, ato mund të krijohen nëse trupi juaj vuan nga anemia apo nëse jeni nën ndonjë trajtim kemioterapik.
Statistika
Kërkimet shkencore tregojnë se një në pesë persona vuajnë nga problemet e ulçerës. Mbi 60% të popullsisë i shfaqet kjo lloj ulcere në gojë, të paktën një herë në vit. Më të prekurat janë femrat e moshës nga 20 në 40 vjeç.
Plagë të tilla shfaqen në ngjyra dhe përmasa të ndryshme. Shpesh pengojnë për të bërë lëvizje të fytyrës apo edhe në ngrënien e ushqimit. Shfaqen si pa u ndierë, në mënyrë graduale dhe krijojnë ndjesinë e djegies, të inflamacionit dhe më pas skuqen. Mund të zgjasin të paktën tre ditë dhe të shumtën një muaj.
Si ta parandaloni
Një sistem i fortë imunitar është çelësi kyç kundër ulcerës. Konsumoni shumë vitamina, minerale dhe flavinoide. Bëni kujdes me fjetjen dhe ushtrimet e përditshme.
Trajtime natyrale
Një trajtim natyral kundër ulcerës është ngrënia e ushqimeve të shëndetshme. Hani sa më shumë qepë dhe hudhra (por bëni kujdes nëse vuani nga stomaku, mos e teproni). Pini çaj dhe mundohuni ta mbani atë në pjesën e plagës. Shpërlajeni herë pas here ulcerën me ujë me pak sodë. Gjithashtu rekomandohet konsumi i limonit si dhe trajtimi me vaj./tesheshi.com/
