Kjo kohë që po jetojmë, në Shqipëri mund të quhet dhe si kohë gjobash. Ato diku janë me të drejtë, kur dihet se paligjshmëria e shoqërisë sonë të menduar dhe vepruar është në nivele katastrofike, por po për këtë arsye, ndodh që të jenë dhe të padrejtë, abuzive, deri te tendencioze.
Kështu, një subjekt privat ka denoncuar rastin e një inspektori Zjarrfikës, i quajtur Arben Cara, prej së cilit është ndëshkuar me gjobë për tregtim të paligjshëm gazi.
Këtë fakt, shoqëria TIVI Gaz e ka shoëruar me dokumentin e gjobëvënies ku në vend se ajo t`i vendoset normalisht shoqërisë, i është vendosur individit që e drejton atë, për më tepër duke mos qenë prezent në ballafaqimin me inspektorin në fjalë.
Ndërkohë, shoqëria ka përcjellë si provë të abuzivizimit në këtë rast, edhe një material filmik ku kamera ambienti kanë regjistruar inspektorin duke sajuar një skenë shkeljeje me qëllim justifikimin e gjobës, duke urdhëruar nxjerrjen jashtë automjetit të një bombule në një pikë gazi, për ta fotografuar sikur ndodhet aty prej paligjshmërisë. /tesheshi.com/
