Antigua-Barbuda, shteti më i ri që dje njohu pavarësinë e Kosovës është një shtet ishullor me një sipërfaqe 442 km², me 81.799 banorë. Kryeqyteti i saj është Saint John’s në Amerikën Qendrore, pranë Karabibeve.
Ishulli është i rrethuar nga oqeani Atlantik në veri dhe në lindje si dhe nga deti i Karabeve në jug dhe në perëndim.
Antigua-Barbuda është një shtet demokratik dhe i përket Commonwealth. Gjuha zyrtare në këtë shtet është ajo angleze por flitet edhe gjuha creolo-angleze.
Antigua u zbulua për herë të parë nga Kristofor Kolombi, i cili i dha vendit emrin e kishës së S. Maria de la Antigua të Seviljas. E kolonizuar që në vitin 1632 nga anglezët, të cilët instaluan një ekonomi të plantacioneve (duhanit dhe sheqerit), ajo u vendos nën drejtimin e Mbretërisë së Bashkuar në vitin 1667. Ekonomia lokale hyri në krizë gjatë kohës së emancipimit të skllevërve në vitin 1834. Sëbashku me Barbuda-Redonda, ajo pati fatin e ishujve të tjerë në këtë zonë, të cilët në vitin 1981 fituan pavarësinë nga Britania e Madhe.
Klima e këtij shteti është tropikale, e dominuar nga ajo ekuatoriale. Temperaturat arrijnë nga 22 °C në 30 °C. Intensiteti i shirave në këtë vend arrijnë një mesatare nga 500 në 1000 mm në vit.
Në vitin 2007, popullsia e Antigua-Barbuda ishte deri në 69.481 banorë, ku 1/3 e së cilëve ishte përqendruar në kryeqytetin Saint John’s.
91% e popullsisë është e përbërë nga banorë me ngjyrë, pasardhës së skllevërve të depërtuar nga Afrika. 4.4% e popullsisë janë mulatë, 1.7% të bardhë, veçanërisht me origjinë britanike dhe 2.9% janë të tjerë.
Banorët janë të gjithë të besimit të krishterë, të sekteve të ndryshme (protestantë, katolikë).
I pavarur prej vitit 1981, Antigua-Barbuda është pjesë e vendeve të Commonëealth dhe kreu i shtetit është sovrani i Britanisë së Madhe.
Turizmi përfaqëson më shumë se gjysmën e prodhimit të brendshëm bruto. Antigua është e famshme për shumë resorte ekskluzive. Prej vitit 200, sektori turistik është ngadalësuar dukshëm dhe qeveria është duke punuar për ringritjen e tij.
Investimet bankare dhe shërbimet financiare mbajnë një pjesë të rëndësishme të ekonomisë. Bankat më të mëdha botërore kanë zyrat e tyre në Antigua mes së cilave janë edhe Bank of America, Barclays, Royal Bank of Canada (RBC) e Scotia Bank.
Deri në prill të vitit 2010, në këtë shtet ishin dy gazeta të përditshme: Daily Observer dhe Antigua Sun, e cila ishte një gazetë që publikohej e shpërndahej edhe në shtetet e tjera të ishujve të Karaibeve. Në virtin 2010, Antigua Sun doli nga tregu dhe shpalli falimentimin, pas 13 viteve prodhim.
Përveç shumicës së rrjeteve televizive amerikane, kanali lokal ABS TV 10 është stacioni i vetëm, i cili tregon programe ekskluzivisht lokale. Ka edhe disa radio lokale dhe kombëtare si V2C-AM 620, ZDK-AM 1100, VYBZ-FM 92.9, dhe ZDK-FM 97.1.
Prodhimi agrokulturor është i përqendruar në tregun e brendshëm dhe favorizohet nga furnizimi i palimutuar me ujë. Aktiviteti kryesor është kultivimi i kallamit të sheqerit, pambukut, frutave dhe perimeve.
Kuzhina në këtë shtet është ndikuar nga kultura të ndryshme, përfshirë edhe ajo britanike. Recetat janë shumë të shijshme, të duken si imagjinare dhe karakterizojnë kuzhinën kreole. Ndër ushqimet më të preferuara është orizi, i cili gatuhet në mënyra të ndryshme, i fortë, i gatuar në zjarr të avashtë, i thatë, me pak lëng etj. Një peshë të madhe në kuzhinë kanë edhe frutat e vendit si arrat e kokosit, mangoja, papaja, avokado, bananja dhe patatja e ëmbël. Nuk ka si të mungojë as peshku, duke qenë se ishulli rrethohet gjithandej nga uji.
Antigua – Barbuda është i ndarë në gjashtë famullitë dhe dy varësi
Famullitë
Saint George
Saint John
Saint Mary
Saint Peter
Saint Paul
Saint Philips
Varësi
Barbuda
Redonda
/tesheshi.com/
