Efektivë policorë po kërkojnë në ujrat e Lanës armën që vrau 66-vjeçarin Behar Sofia më shumë se dy javë më parë.
Pas arrestimit të grupit që ekzekutoi të ashtuquajturin “padrino droge”, mes të cilëve tërheqësin e këmbëzës Ernejt Shyti, 24 vjeç, tashmë po tentohet gjetja e armës, sipas rrëfimeve të të riut vrasës.
Veç tij, janë arrestuar edhe Skënder Vathi, 54 vjeç, lindur në Arrameras, Fushë Krujë dhe banues në Tiranë, Leonar Xhixha, 30 vjeç, lindur dhe banues në Arrameras, Fushë – Krujë, i dënuar më parë për veprën penale “Vrasje me paramendim” ngelur në tentativë si dhe Xhuljano Visha, 28 vjeç, i dënuar më parë për veprën penale “Vjedhje”.
Ajo që mbetet të dihet nga ky zhvillim është se kush e porositi vrasjen e Behar Sofisë, njeriut që konsiderohej si një ndër personazhet kryesore të nëntokës shqiptare të aferave ndër vite. /tesheshi.com/
