Gjermania surprizon për keq: Rritet hendeku midis të pasurve dhe të varfërve

Gjermania po përballet me rritjen e hendekut midis të pasurve dhe të varfërve për shkak të papunësisë dhe shpërndarjes jo të mirë të pasurisë. Me dhjetëra banorë të vendit janë të zhytur në borxhe përkundër dhjetëra të tjerëve që posedojnë pasuri të madhe. Standardet evropiane e përcaktojnë nivelin e varfërisë poshtë 900 dollarëve në muaj për individ, ndërsa për të moshuarit akoma më keq.

Një studim i Unionit të Organizatave Sociale gjermane, raporton se hendeku midis të pasurve dhe të varfërve po zgjerohet në vend për shkak të pabarazive alarmante në shpërndarjen e pasurisë, normave të larta të varfërisë dhe të borxhit në rritje ndërmjet shtresave sociale.

Studimi, i cili u publikua në Berlin, thotë se hendeku duket qartë, në një kohë kur 10% e njerëzve janë të zhytur në borxhe të mëdha, mesatarisht 32.000 € për frymë, ndërsa segmenti tjetër prej 10% posedon rreth rreth 1.5 milionë euro për individ.

Ky raport vuri në dukje po ashtu se prosperiteti i përftuar në tregun e punës është i prekshëm, mirëpo nga ana tjetër një numër i madh njerëzish nuk kanë punë të përshtatshme, përkundrejt 7.5 milion njerëzve që punën e kanë sezonale apo vetëm për një periudhë të kufizuara, çka ka sjellë një rritje në këtë kategori me 70% gjatë dy dekadave të fundit.

Papunësia dhe varfëria

Studimi tregoi se më shumë se një milion njerëz në Gjermani kanë qenë të papunë për një vit të tërë, ndërsa 1,3 milion njerëz kanë mbetur të papunë për më shumë se dhjetë vjet, dhe se 15.5% e popullsisë (1 në ç’do 6 persona) janë të varfër.

Studimi konstaton se rritja në normat e varfërisë ecën paralel me rritjen e përqindjes së mundësive të punësit dhe pagave, duke vënë në dukje se standardet evropiane për varfërinë përfshijnë personat të cilët i kanë të ardhurat mujore më pak se 892 €, dhe familjet me katër anëtarë të cilët të ardhurat mujore i kanë më pak se 1873 €

.Studimi vuri në dukje se treguesite  40% e grave që rrisin fëmijët pa partner, si dhe e 60% e të papunëve që jetojnë në varfëri po vijnë gjithnjë duke u rritur që nga niveli 2006.

Më të pasur

Raporti tregon po ashtu se 15.5% e fëmijëve nën moshën 15 vjeçare –të vendit më të pasur të BE-së- jetojnë duke përfituar nga sigurimet shoqërore pasi janë klasifikuar në grupin e varfërisë së skajshme.

Studimi thotë po ashtu se varfëria në mesin e të moshuarve në vend është rritur katërfish gjatë nëntë viteve të fundit.

Raporti shpjegon se numri i të moshuarit që nuk u mjafton pensioni tyre dhe që marrin në të njëjtën kohë ndihma nga sigurimet shoqërore për të njëjtën periudhë, u rrit nga tridhjetë mijë në gjysëm milioni njerëz.

Kreu i Unionit të Organizatave Sociale gjermane, Rolf Rosenbroc, duke prezantuar studimin, tha se kjo në fakt i referohet një rritje të madhe të të varfërve tek shtresa e të moshuarve, dhe se institucionet që bëjnë analizat ekonomike bëjnë një sy qorr përballë këtij fakti duke dhënë një tablo rozë, pasi bazohen tek kapitalizmi modern që thotë se të varfër janë ata që nuk kanë ushqim apo strehim.

Rosenbrok arriti në përfundimin se politikat e ndjekura qeveritare nuk ndihmojnë në solidarizimin e komunitetit dhe se përkeqësojnë po ashtu hendekun midis të pasurve dhe të varfërve. /tesheshi.com/