Një grup refugjatësh sirianë kanë pranuar Jaber AlBakr në banesën e tyre, por sapo e kanë kuptuar se kush është ai, ata menjëherë e kanë lidhur dhe ia kanë dorëzuar policisë, njofton Die Welt.
AlBakr është i dyshuar për planifikimin e një sulmi me bombë në aeroportin e Berlinit, në emër të të ashtëquajturit ISIS dhe sipas Die Welt sirianët që ia dorëzuan atë policisë janë superheronjtë e Gjermanisë.
Mediat gjermane kanë raportuar se anëtarët e tjerë të ISIS me gjasë do t’u vihen pas këtyre sirianëve për shkak të “tradhëtisë”, dhe për këtë arsye pohojnë se ata treguan guxim dhe se u duhet dhënë Urdhërin gjerman të Meritës.
AlBakr kishte ardhur në Gjermani si refugjat vitin e kaluar kur edhe ka fituar azilin.
Ai u arrestua në Leipzig duke u gdhirë e hëna pas një kërkimi dyditor, me ndihmën e sirianëve të tjerë, siç tha dhe policia. /tesheshi.com/
