Rreth 1000 ekstremistë të krahut të djathtë kanë tubuar jashtë stacionit të trenit të Berlinit, duke protestuar kundër qëndrimit përshëndetës të kancelares Angela Merkel për refugjatët.
Demonstruesit kanë mbajtur në duar pankarta me slogane si “Jo Islamit në tokën gjermane” dhe “Merkel duhet të shkojë”, duke valëvitur flamuj gjermanë në mitingun e së shtunës pasdite në kryeqytet.
Rreth 1.1 milion emigrantë kanë hyrë në Gjermani vitin e kaluar nga Lindja e Mesme dhe Afrika e Veriut, duke ngritur shqetësime në mbarë vendin për mënyrën se si Gjermania do të përballojë fluksin.
Në tubimin e sotshëm morën pjesë vetëm një e pesta e personave që ishin menduar të ishin pjesëmarrës nga ana e organizatorëve, ndërsa në të njëjtën kohë në qytet zhvilloheshin manifestime në mbështetje të Angela Merkelit dhe deklaratës së saj.
Policia dhe mediat nuk kanë raportuar për përplasje mes dy grupeve. Këtë javë Merkel tha se është e rëndësishme që populli të kuptojë rëndësinë e politikave të migracionit. /tesheshi.com/
