Ndërkohë që Bagdadi është prekur nga sulmi i radhës me bombë, qindra aktivistë shiitë kanë tentuar të hyjnë në qendrën politike të qytetit. Disa prej tyre kanë arritur të hyjnë në “zonën jeshile”, ku kanë selinë e tyre institucionet dhe ambasadat. Ata kanë vënë në shënjestër parlamentin, duke shkatërruar flamujt e duke brohoritur “frikacakë, frikacakë”, për qeveritarët. Autoritetet irakiane kanë deklaruar gjendjen e emergjencës dhe kanë forcuar masat e sigurisë.
Militantët që kanë sulmuar asamblenë legjislative irakiane janë ndjekës të Moqtada al Sadr, liderit ekstremist shiit. Al Sadr, babai i së cilit u vra nga Saddam Hussein, pas rënies së regjimit sunit në vitin 2003 themeloi një organizatë parlamentare, ushtrinë e Mahdit, për të bojkotuar dhe për t’iu kundërvënë pranisë së ndërkombëtarëve në vend.
“Kërcënimi më i madh për sigurinë e Irakut”, kështu e definoi Pentagoni në atë kohë. Që prej vitit 2005 deri në vitin 2007, lëvizja sardiste ka qenë anëtare e qeverisë irakiane, për të dalë më pas nga arena politike. Në pranverën e viti 2015, kthimi i saj u bë përmes deklarimit të hapur kundër Isis. Kanë qenë vetë ushtarët e Sadr, ata që kanë kontribuuar dhe kanë luftuar kundër Isis.
Kërkesat e sadristëve gjatë sulmit ndaj parlamentit kanë qenë një ndryshim i qeverisë dhe revolucion kundër korrupsionit. /tesheshi.com/
