“Gjahu i shtrigave” epitet të cilin e mori procesi i lustrimit në Maqedoni, ka vënë në shënjestër edhe gazetarët, por çuditërisht, vetëm ata me qasje kritike ndaj pushtetit, për çka së fundmi është lustruar dhe shpallur bashkëpunëtore e shërbimeve kryeredaktorja e javores “Fokus”, Jadranka Kostova, javore kjo e njohur për gazetarinë investigative, themeluesi i të cilës vdiq në aksident trafiku në rrethana misterioze.
Edhe pse dokumenti nuk është shpallur publikisht, kryetari i komisionit për lustrim Tome Axhiev ka pranuar një fakt të tillë që jua përcolli gazetarëve, të cilët në emër të plenumit të tyre, shkuan ta takojnë për të marrë sqarime. E vetmja gjë, e cila u tha atyre ka qenë se lustrimi i Kostovskës është bërë konform ligjit, ndërsa me mbivotim nga anëtarët e komisionit.
Të dëshpëruar nga takimi, Plenumi i Gazetarëve konstatoi se vendimi i komisionit paraqet sulm ndaj javores Fokus dhe sulm të drejtpërdrejtë ndaj atyre që mendojnë ndryshe nga qeveria.
“Epilogu i takimit na bënë të besojmë se gazetarët me qasje kritike ndaj pushtetit, së shpejti do ta shohin emrin e tyre në listat e të lustruarve”- deklaroi Olivera Trajkovska./tesheshi.com/
