Tashmë, gazi lotsjellës i opozitës kosovare nuk do trajtohet politikisht por juridikisht. Prej sot fjalën e ka drejtësia. Pas hedhjes për herë të dytë sot në sallën e Kuvendit, prokuroria e shtetit menjëherë ka filluar hetimet ndaj deputetëve të cilët ishin realizues të aksionit.
Sipas pamjeve të filmuara sot, vërehet deputeti Faton Topalli nga Lëvizja Vetëvendosje dhe Donika Kadaja Bujupi nga Aleanca për Ardhmërinë e Kosovës kur e hedhin gazin lotsjellës.
Po ashtu hetimet janë duke u zhvilluar edhe ndaj deputetëve Albin Kurti e Albulena Haxhiu, po nga Lëvizja Vetëvendosje për një veprim të ngjashëm javën e kaluar./tesheshi.com/
