Të enjten mbrëma, në parlamentin shqiptar hyri një deputete e re: Mirela Ferracaku. Ajo e morri mandantin e gjendur në listën e partisë së Mark Frrokut, asaj Kristian Demokrate.
Eshtë tashmë i njohur fakti se ajo në fillim ka tentuar përfshirjen në rradhët e partisë së Bamir Topit, por më pas ka ndërruar udhë dhe ka përfunduar në listën e forcës politike të drejtuar nga dyshja Frroku, Arben e Mark.
Por dy ditë më parë, ajo është sulmuar nga një gazetë, Euro Albania, e që për çudi është dhe ajo e frymës demokristiane, pasi është një periodike e partisë së Nard Ndokës.
Titulli që i dedikohet Ferracakut, është tejet i rëndë: Kandidatja Ferracaku, fondamentaliste dhe “bashkëpunëtore” me ekstremistë.
Nuk dihet se përse fjala bashkëpunëtore në këtë rast është futur në thonjëza nga autori, por fondamentalist dhe ekstremist, janë shumë të rënda për t`ju adresuar një femre, nëse nuk shoqërohen dhe me të dhëna faktike që do t’i përligjnin etiketime që sot mund të të çojnë dhe pas hekurave.
Mjaft të lexohet shkrimi që pason këtë titull për të kuptuar se gjetkë “fle lepuri” i një inati demokristian për t’u përveshur një femre, në fakt tërësisht myslimane, pinjolle e një familjeje të njohur në Trush të Shkodrës.
Ashtu sikurse ndodhi rëndomë në përzgjedhjen e deputetëve nga koalicioni qeverisës, kjo dukuri kryesisht në veri, duke listuar maksimumin e mundshën me kahje negative ose individ me rekorde kriminale ose me nivelin më të ulët të Shqipërisë.
Përsa i përket Z. Mark Frroku, mendohet nga të gjithë juristët se ai po mbahet padrejtësisht pas hekurave, sikurse edhe familjarët e tij duket që janë ndëshkuar egërsisht me të padrejtë, por gjithsesi drejtësia shqiptare të përulë.
Nuk dua të merrem me intelektualizmin e Deputetit Frroku por padrejtësia e ka ndëshkuar. Por fakti i hidhur që nuk dua ta besoj ti ketë shpëtuar zotit Frroku është lista e partisë së tij, i cili vendos të tretën në listë Znj. Mirela Ferracaku.
Eshtë e zakonshme në Shqipëri kur një burrë sulmon një burrë, por nuk është aspak e moralshme kur një burrë sulmon një grua. Por unë kësaj radhe kam menduar të flas edhe kundër një gruaje, pasi ajo duhej të ishte mirëmenduar kur hyri në politikë.
Asnjëherë dhe në asnjë moment nuk duhet kursyer as zonjushat apo zonjat kur ato paraqesin aventurë në veprimtarinë e tyre.
Është për të ardhur keq për zonjushën Mirela Ferracaku e cila mundësoi të listohej në një parti të fraksionit kristian, totalisht fondamentaliste dhe e përfolur si bashkëpunëtoreve me ekstremistë.
Sipas informacioneve të afërta brenda PKD-së, familjarëve të saj, mësohet se zonjusha Ferracaku është larguar nga shtëpia disa ditë, pa adresë për familjarët, por që thuhet se ndihmoi duke mjekuar dy persona të esktremistë, të cilët kishin hyrë nga Mali i Zi.
Më pas mësohet se Ferracaku, ka bashkëpunuar ngushtë me këta të dy persona,, të ndihmuar edhe nga një qytetar, për të afruar njerëz të dyshimtë. Më pas znj.Ferracaku me një qytetar nga Shkodra kanë udhëtuar në Kosovë pasi atje mund ta kishin më të lehtë për rekrutim personash. Siç duket zonjusha e shkeli kontratën apo edhe e detyruar, vajti në Gjermani me motivin për tu kuruar, por siç duket për të vazhduar bashkëpunimin me disa kosovarë. Megjithatë zonjusha ishte e sëmurë e ju nënshtrua kurimit mjekësor por do dëshironim mos të ketë vazhduar bashkëpunimin për rekrutim ekstremistësh. Këto burime duhet të merren në konsideratë nga drejtësia shqiptare, sikurse në vijim do të sjellim hollësira të metejshme.
Interesant është fakti se në shkrim askund nuk thuhet se për ç`lloj fondamentalizmi apo ekstremizimi bëhet fjalë, të cilat, duke jua bashkangjitur dhe fjalën rekrutim, natyrshëm të çojnë tek Islam e mysliman, sipas një konteksti të caktuar të narrativës mediatike dominuese.
Është e vërtetë se znj. Ferracaku ka qenë në Gjermani këto kohë për arsye shëndetësore. Madje, edhe lajmin se i erdhi rradha për t’u bërë deputete e ka marrë teksa ka qenë atje.
Në faqen e saj të fb nuk dallohet për ndonjë fetare e zellshme. Aty mund të hasësh edhe ndonjë sure a lutje Kur`ani, por dhe Nënë Terezën e Papa Françeskun.
Në fund mbetet gjithsesi një dilemë e madhe: në ç`“kallo” të dy fronteve politike demokristiane të ketë shkelur një myslimane e Trushit, sa për t’u etiketuar fondamentaliste dhe ekstremiste?!
/tesheshi.com/
