Dy përfaqësuesit e futbollit shqiptar në MLS, në kampionatin amerikan të futbollit, i kanë nisur si titullarë ndeshjet respektive të së dielës.
Pjesë e Konferencës Perëndimore, Colorado Rapids, ekipi ku luan Shkëlzen Gashi, ka barazuar 2-2 me Minnesota United. Në takimin në transfertë, SJ Earthquakes, ekipi i ri i Jahmir Hykës, ka humbur 2-1 ndaj Sporting KC-së.
Në javën e tretë të kampionatit përtej oqeanit, si Gashi, që sezonin e shkuar bëri një paraqitje të shkëlqyer, ashtu dhe Hyka, një rishtar në MLS, nuk e kanë gjetur ende golin, tipar i pandashëm i lojës së tyre.
E përbashkëta në takimet e kësaj të diele ka qenë nisja e lojës në formacion dhe zëvendësimi në të njëjtën minutë.
Gashi u zëvendësua në minutën e 61-të në sfidën e Colorado-s, për t’u zëvendësuar nga amerikani Serna. Saktësisht në të njëjtën minutë, Jahmir Hyka u nxor nga loja dhe u zëvendësua nga Salinas, ndërsa SJ Earthquakes ishte në humbje. /tesheshi.com/
