Ka hasur rezistencë në PD reforma në drejtësi, edhe pse ka shkuar ambasadori amerikan personalisht për të verifikuar situatën.
Një fjalë e ish-kryetares së Parlamentit Jozefina Topalli, ka hapur polemika të mëdha në media, ku disa prej tyre theksuan se ajo ka sulmuar ambasadorin amerikan.
Por Topalli, për të sqaruar situatën ka publikuar fjalimin në faqen e saj në Facebook.
Po çfarë vihet re?
Në mënyrë të qartë dhe pa ekuivok kundërshtimi për të votuar reformën në drejtësi.
Ja çshkruan Topalli në Facebook
“Prandaj nuk është koha për të heshtur, nuk është koha për të bërë konformistin dhe as nuk është koha për t’u kërrusur. Është koha për t’i thënë ca gjëra ashtu siç janë, me thjeshtësinë e tyre, përballë, në mënyrë të drejtpërdrejtë. Ky vend nuk mund të ecë më kështu përpara. Ky vend nuk ka nevojë vetëm për reformën e drejtësisë, jo, do të isha e pandershme dhe e padrejtë. Unë, sigurisht, që jam për reformën në drejtësi, por s’jam kurrë për reformën e drejtësisë për ta lexuar e votuar, pa e parë dhe pa e studiuar. Unë mendoj se ky vend, mbi të gjitha, ka nevojë për lehtësim për biznesin, ka nevojë për punësim, ka nevojë për t’i dhënë shpresë brezit të ri për të gjetur një vend pune, për të punuar me djersë e me mund e për të ndërtuar jetën. Ky vend ka nevojë për njerëz që e duan dhe jo për njerëz që përdorin të fortët, paranë dhe mafien për të konsoliduar pushtetin e tyre, dje në 2013-ën apo nesër në 2017-ën”.
/tesheshi.com/
