Debati në parlamentin shqiptar gjatë kësaj të enjte vijon të dominohet nga çështja e importit të mbetjeve për industrinë e riciklimit, që për opozitën përkthehet si “import plehrash”.
Por ky debat, ka rrëshqitur heraherës dhe në aspekte jashtë tematikës. Kështu, pas lutjeve drejtuar Zotit për ta shpëtuar Shkodrën nga qeverisja lokale e Voltana Ademit, bërë nga Rama javë më parë gjatë një përplasjeje me të në inagurimin e stadiumit të ri të Shkodrës, shefi i qeverisë shqiptare lëshoi sot të njëjtën lutje ndaj Zotit për ta shpëtuar PD-në.
Ndërsa në kahjen tjetër, ish-kryeministri Berisha bëri kiritikun e artit, duke thënë se krijimet në pikturë të Edi Ramës janë ato të një njeriu primitiv. Sipas tij, mjaft të shikohen pikturat në shpella – duke aluduar pra se ata kanë për autorë njerëzit e sistemit primitiv, ndryshe Neolitit – që siç tha, janë të ngjashme me ato që bën Edi Rama sot.
Edhe më herët, Berisha është përpjekur që ta destruktojë Ramë në profilin e tij artistik dhe si ish-pedagog i Arteve, duke thënë se është një piktor i dështuar. Ndërkohë, askush nuk ka guxuar deri më sot të thotë se Berisha nuk ka qenë nëj doktor-kardiolog i aftë. /tesheshi.com/
