Telefoni i zgjuar fleksibel i Samsungut mund ta shoh dritën në semestrin e ardhshëm të 2017-ës. Kësaj here lajmin e ka bërë të ditur sajti i specializuar Sammobile.com, i cili ka publikuar paraprakisht pamje të reja të të ashtuquajturit Project Valley.
Modeli i parë i kësaj game mendohet ta ketë emrin Galaxy X dhe bëhet fjalë për një pasjisje me ekran OLED me përmasa të mëdha e që është në gjendje të përkulet në vetvete dhe të marrë pozicione të ndryshme falë një pjese fleksibël në mesin e telefonoit, e cila dallohet lehtë nëse e shikon nga pas.
Akoma nuk është shumë e qartë se për çfarë mund të shërbejë një model i tillë, i ngjashëm me telefonat e viteve ’90. Ekrani është më i gjatë nga sa jemi mësuar ta shohim zakonisht, duke modifikuar kështu formën e ekranit në krahasim me ekranët e tjerë normalë.
Kjo mendohet të jetë një revolucion në kategorinë e smartphone-ve të cilët nuk ndryshojnë shumë nga njëri-tjetri. /tesheshi.com/
