Katër futbolliste amerikane kanë ngritur një padi kundër Shoqatës së Futbollit të SHBA, duke pretenduar se ato paguhen më pak se homologët e tyre meshkuj, raportoi Reuters.
Ata pretendojnë më tej se nuk kanë të njëjtat kushte për stërvitje e udhëtime.
Ndër pretendueset janë lojtare të tilla si Megan Rapinoe dhe Alex Morgan, të cilat thonë se janë vazhdimisht më pak të paguara në krahasim me meshkujt, edhe pse ato arrijnë rezultate më të mira se ata.
Shoqata e futbollit amerikan nuk iu përgjigj menjëherë një kërkese për të komentuar për padinë, e cila vjen tre muaj përpara se skuadra e femrave të SHBA në Francë të fillojë të mbrojë titullin e kampionit botëror.
Padia u paraqit në një gjykatë federale në Kaliforni dhe erdhi tre vjet pasi disa lojtare paraqitën një ankesë në Komisionin për Diskriminim Seksual dhe mundësi Punësimi të Barabartë. /tesheshi.com/
