Qeveria daneze do të vazhdojë me mbylljen e të ashtuquajturës “Pusher Street”, një qendër kryesore për trafikun e kanabisit në distriktin alternativ Christiania të Kopenhagës, pra një lloj “Lazarati” në kryeqytetin nordik.
Ministri danez i Drejtësisë Peter Hummelgaard tha se “Rruga Pusher do të mbyllet këtë vit”.
Christiania, e vendosur në qendër të Kopenhagës, është dikur zona e preferuar e hipive. Ajo është bërë e famshme për shitjen e kanabisit – i cili është i paligjshëm, por i toleruar prej kohësh nga autoritetet – që ka çuar në abuzime me trafikun e drogës dhe shfaqjen e bandave.
Në gusht, një 30-vjeçar i lidhur me krimin e organizuar vdiq në rrugë pasi u qëllua me armë zjarri.
Kjo ishte e katërta e shtënë e lidhur me drogën që nga viti 2020 rreth “Pusher Street” dhe bëri që banorët të thërrisnin për ndihmë nga autoritetet për të mbyllur tregun.
“Plani i veprimit i zbatuar nga banorët e zonës është në zbatim dhe pritet të hyjë në fuqi brenda gjashtë muajve të ardhshëm”, theksoi ministri. /tesheshi.com/
