Ka qenë një konferencë e vështirë ajo mes Ramës dhe Vuçiçit në Beograd, me një ftohtësi të lexueshme qartë te të dy, pa buzëqeshje, dhe me pakënaqësi nga ana e presidentit serbe, gjithsesi me një darkë mes të dyve me praninë e ambasadorit Chris Hill.
Çështja më e nxehtë që ajo e draft Asocacionit nga Tiranë, për të cilin Rama tha se jua ka dorëzuar dy kumbarëve, Scholzit dhe Macronit.
“Ajo që është në letër u është dorëzuar kumbarëve të planit franko-gjerman, Macron, Scholz, por edhe Michel. U takon palëve ta lexojnë ose jo, ta marrin ose të mos e marrin parasysh. Unë e konsideroj një kontribut pozitiv dhe vlerësoj se tërheqja zvarrë e asociacionit të komunave serbe është një gabim strategjik”, tha Rama.
Por pikërisht cilësimi “kumbar” për dy liderët europianë nuk i ka pëlqyer Vuçiçit.
“Vetëm ekipi menaxhues serb duhet të merret dhe të prezantojë draft-statutin, asnjë lider francez apo gjerman. Ata janë kumbarët e planit franko-gjerman, jo të statutit, sepse është plani i tyre, Serbia nuk e ka krijuar atë plan. Megjithatë, ne nuk i quajmë kumbarë ata që ju imponojnë diçka. Ne në Serbi, kumbarët i zgjedhim vetë. I ftojmë ata në pagëzime apo dasma, por nuk janë kumbarë ata që ju imponojnë vendime të caktuara”, tha Vuçiç.
Rama iu përgjigj duke i thënë se “ata janë kumbarë të planit franko gjerman, jo të statutit. Se planin franko-gjerman e ka bërë Franca dhe gjermania s’besoj se e ka bërë Serbia”, tha Rama.
Në konferencë u fol edhe për Open Balkan, ku Vuçiç theksoi se do të ketë sërish takime, madje në nëntor do të ketë një panair në Beograd.
Me vizitën në Serbi, Rama përmbylli turin e takimeve në gjashtë vendet e Ballkanit Perëndimor në kuadër të Procesit të Berlinit që do të mbahet në tetor në Tiranë. /tesheshi.com/
