I kanë thirrur “Fshati me Tre Gërma”, apo Kuçi i famshëm për të cilin lindi dhe sindroma e autobuzit ku çdokush donte të rrinte në vend të parë, por që sot ka qenë shpëtimtar për kryebashkiakun e Himarës, Jorgo (Gjergji) Goro.
Ka kaluar më në fund Plani rregullues i Himarës, i cili prish rreth 9 banesa ekzistuese për të zgjeruar bulevardin kryesor të qytetit.
Në një situatë shtetrrethimi, më në fund Këshilli Bashkiak i Himarës me kërkesën e kryebashkiakut Jorgo Goro, miratoi me shumicë votash të mbledhur në godinën e ish-këshillit të bashkuar të fshatit Kuç, i famshëm në të gjithë Labërinë, por që prej 2015-s është pjesë e bashkisë Himarë.
Mbledhja është zhvilluar nën mbrojtjen e trupave
të FNSH-së të cilët kanë krijuar një disttancë sigurie me një grup qytetarësh që e kundërshtojnë planin.
Deri tani, grupi i udhëhequr nga PBDNJ-ja dhe shoqata OMONIA nuk e ka lënë të miratohet plani, duke ndërhyrë edhe fizikisht për të penguar zhvillimin normal të saj.
Një grup njerëzish, ndoshta 30 vetë, nuk lejonin këshilltarët që të diskutonin, shqyrtonin e më pas të votonin.
Ky grup që drejtohet nga Nikollaq Neranxi dhe Fredi Berberi, kanë shpallur kundërshtinë e Planit Urbanistike, duke e lidhur aë me diskriminim të shqiptarëve ndaj grekëve të Himarës.
Në Breg mirë që s’ka grekë, por edhe ata që duan të jenë të tillë pwr qejf, nuk kanë pse bllokojnë punën e bashkisë.
Dhe nuk mund të bllokojnë punën për të nisur zbatimi i Planit të Rregullimit të bashkisë, i cili ka përcaktuar se disa terrene që janë në zotërim privat do të përdoren për interes publik. Për këtë objektiv apo vendim të bashkisë, natyrisht që ka një proçes.
Pra që pas miratimit të planit, nis identifikimi i terreneve dhe aty ku ka tapi, fillon procesi i vlerësimit. Pasi trualli vlerësohet, caktohet dëmshpërblimi sipas vlerës së tokës. Nëse qytetari që i përdoret trualli për interes publik nuk është dakord me vlerësimin, e apelon çështjen në gjyqatë, e cila ka tre shkallë.
Nëse nuk është dakord me vendimet e gjykatave, mund ta çojë çështjen në Gjykatën Kushtetuese, dhe nëse nuk është dakord me vendimin e Gjykatës Kushtetuese, mund ta çojë në Gjykatën e Strasburgut, ku kanë fituar qindra pronarë dhe qeveria shqiptare u ka paguar lekët.
Ja kjo është rruga e zgjidhjes së gjithë këtij lëmshi që Neranxi dhe Dulen e Berberin e kthen në politikë.
Por këtu ka ndërhyrë edhe Athina zyrtare që e ka cilësuar si shkelje të të drejtave të pakicave kombëtare.
Megjithatë miratimi i këtij plani në Kuç, mund t’i hedhë benzinë zjarrit, pasi ka gjasa që Neranxi dhe Berberi ta përdorin Himarën si një “atu” për të kërkuar një lloj autonomie, dhe për ta sulmuar precedentin “Kuç” për “nacionalizëm”. /tesheshi.com/
