FRROKU BROTHERS/ Njëri hyn në burg, tjetri del

Ndërkohë që Gjykata e Lartë pritet të shpallë vendimin për deputetin Mark Frroku, Gjykata e Krimeve të Rënda ka shpallur të pafajshëm Arben Frroku për vrasjen e komisar Dritan Lamajt.

Pas 48 seancash gjyqësore, Arben Frroku është shpallur i pafajshëm nga Gjykata e Krimeve të Rënda për akuzën e vrasjes së Dritan Lamajt në 2013 në Tiranë.

Në seancën e sotme, Gjykatësi Dritan Halluni nuk ka pranuar kërkesën e Prokurorisë për burgim të përjetshëm, por e ka shpallur atë të pafajshëm.

Në ndryshim nga 48 seancat e mëparshme, gjyqtari Halluni ka lejuar kamerat duke lexuar të plotë vendimin përfundimtar të gjykatës. Në bazë të këtij vendimi, gjykata ka hedhur poshtë edhe dëshminë e bërë nga dëshmitarit të ngjarjes Arben Ndoka

Sipas gjykatës, nisur nga pamjet filmike, Arben Ndoka ka kaluar në vendin e ngjarjes 4 minuta pas vrasjes dhe trupi i pajetë është marrë nga personat në ngjarje për ta dërguar në spital. Për gjykatën kjo është e mjaftueshme për ta hedhur poshtë deklaratën e dëshmitarit Ndoka.

Në vendimin e saj gjykata është shprehur se eksperimenti kohor i papërfillshëm për gjykatën në harkun kohor të paraqitur. Po ashtu prova tjetër që ka të bëjë me përgjimet e transkriptuara për 12 shishe xhin që ka porositur Frroku pas vrasjes, për gjykatën kjo është e pavërtetë pasi janë në fakt 3 shishe. Për gjykatën kjo është një provë e gabuar e Prokurorisë.