SHBA-të janë duke prodhuar raketa hipersonike, të cilat kanë mundësi të fluturojnë pesë herë më shpejtë sesa zëri. Dhe për të arritur standarte të tilla në armatim po përpiqen dhe Kina, India dhe Rusia; prandaj mund të thuhet se është hapur një front i ri në industrinë ushtarake botërore.
Koncepti i raketave hipersonike është quajtur HAWC (Hypersonic Air-Breathing Weapon Concept). Në zhvillimin e këtij koncepti punojnë së bashku DARPA, agjencia e Ministrisë së Mbrojtjes së SHBA – përgjegjës për zhvillimin e teknologjive të reja, si dhe vetë ushtria amerikane.
Këto raketa do të jenë aq të shpejta sa armiku nuk do të ketë kohë të mbrohet, pra nuk do të ketë mundësi të ndërmarrë asnjë veprim.
Në vend të disa orëve, raketat hipersonike do të mund të fluturojnë vetëm për disa minuta nga njeri në kontinentin tjetër.
Dhe dipas planeve të deritanishme, këto raketad do mund të lëshohen nga ajri, toka apo nga nëndetësja.
Sa do të jenë të shpejta këto raketa?
Raketat hipersonike do të mund të arrijnë shpejtësinë prej 3.806 milje në orë, apo 6.125.163.264 kilometra në orë, që i bën ato ideale për të gjuajtur shënjëstrat që vështirë se do të mbrohen.
Konkurentët kryesorë: Kina, India dhe i Rusia
SHBA-të nuk janë vendi i vetëm i cili po punon për zhvillimin e armatimit hipersonik. Rusia, Kina dhe India po punojnë në zhvillimin e koncepteve të tyre të raketave hipersonike.
Kjo do të thotë që natyra e luftës do të ndryshojë në mënyrë fundamentale. Sistemet kundër mbrojtjes raketore vështirë se do të mund t’i kundërvihen raketave hipersonike, të cilat shënjesterat, si fjala vjen anijet e mëdha, i bën veçanërisht të pambrojtura. Mbrojtja më e mirë do të jetë shkatërrimi i raketave para se të mund të fluturojnë, dhe kjo do të forcojë rëndësinë dhe rolin e aksioneve ofensive të planifikuesve (projektuesve) të luftës, shkruan në analizën e Strafor-it, njofton Businessinder.com.
Pritshmëritë janë që Kina dhe SHBA të prodhojnë prototipin operativ deri në vitin 2020, kurse Rusia nuk mbetet shumë prapa, shkruan Stratfor.
Raketa të tilla do t’u mundësonin SHBA të kenë përparësi të dukshme në operacionet ofensive, edhe në rastet kur ato zona janë të mbrojtura me sisteme kundërajrore, thuhet në faqen agjencisë DARPA, e cila po punon në zhvillimin e HAWC. /tesheshi.com/
