Auto Dak
Auto Dak
Auto Dak

Frenimi i azilkërkuesve drejt Gjermanisë: 200 infermierët e parë trajnohen për të provuar shansin në rrugë ligjore

Në Tiranë u çel program i trajnimit të infermierëve që dëshirojnë të punësohen në Gjermani. Ky program, që synon aftësimin e të rinjve që dëshirojnë të bëhen pjesë e tregut të punës në Gjermani, synohet të jetë në ndihmë të frenimit të azilkërkuesve shqiptarë në këtë vend.

 

“Nëse dikush dëshiron të punojë në Gjermani, mos kërkoni azil politik se kjo është rruga më e keqe e mundshme, por drejtohuni të tjerë projekteve të organizuara ligjore”, tha ambasadori gjerman në Tiranë, Helmut Hoffman.

 

Sipas tij, qytetarët duhet të përpiqen në mënyrë profesionale dhe ligjore dhe të mos u drejtohen ambasadës gjermane për azil politik, por për punësim të organizuar ligjor.

 

Kryeministri Rama, i pranishëm në këtë organizim, tha se ka një mënyrë për të bërë të mundur ëndrrën për të jetuar e punuar në Gjermani, dhe kjo është përmes rrugëve ligjore.

 

Ai përcaktoi se arsimi profesional është rruga e duhur për t’u punësuar në vendin lider të Evropës, si e cilësoi Gjermaninë,

 

“Shanset për të marrë azil në Gjermani janë zero, ndërsa shanset për punësim janë të pafundme”, ka shtuar kryeministri.

 

Mbi 200 infermierë do të marrin pjesë në një kurs trajnimi për të pasur një mundësi punësimi të paktën 2-vjeçar në Gjermani. /tesheshi.com/

auto pjese dak

Related posts