Një francez ka sulmuar dy turistë myslimanë në hotelin Gold Coast duke u thënë: “Ne do t’ju bombardojmë. Do t’ju bombardojmë të gjithëve!”
Francky Guise, 37 vjeç, akuzohet se ka pështyrë në fytyrë burrin mysliman, ndërsa të afërmen tij e tij 25-vjeçare e ka kapur nga gjoksi gjatë një sulmi të shëmtuar racist në afërsi të hotelit ku po pushonin.
Guise, i lindur në Francë e me banim në Melburn të Australisë, ishte pushues në të njëjtin hotel. Ai tashmë do të përballet në gjykatë me akuzën për kërcënim dhe sulm ndaj personit.
Thuhet se iu drejtua atyre duke u thënë se “ju na bombarduat në Francë”, duke e pështyrë më pas burrin në fytyrë. Pastaj u tha: “Ne do t’ju bombardojmë. Do t’ju bombardojmë të gjithëve!”
Guise u lirua me kusht, pavarësisht kundërshtimit të policisë. Ai do të paraqitet përsëri para gjykatës ditën e enjte. /tesheshi.com/
