I janë dashur vetëm pak minuta për të njohur të birin, të cilin nuk e shikonte prej dy vitesh, pavarësisht se sytë e saj nuk mund të shikonin, i ka mjaftuar vetëm prekja e fytyrës me dorë.
Ryan Gallimore një ushtar i ushtrisë së SHBA-ve, ka dashur ti organizojë një surprizë të ëmës pasi kishte munguar për dy vite e gjysmë në shtëpinë e tij në Thorntown të Indianas.
Që nga momenti kur ishte dërguar në Baumholder të Gjermanisë, në fund të vitit 2012, ai nuk ishte kthyer më në Amerikë. Kjo ka qenë një dhimbje e madhe për të ëmën e moshuar, e cila, edhe pse nuk e kishte parë, nuk ka kaluar as një ditë të vetme pa e menduar.
Kështu, kur iu krijua mundësia për tu kthyer në shtëpi, Ryan organizoi një surprizë, me ndihmën e motrave të tij. Ato organizuan një festë ku ftuan miq dhe të afërm si dhe i bënë një lojë.
“Do të të vëmë një fashë tek sytë, për të parë se sa arrin të na njohësh”,- i tha Sara, një nga motrat e Ryan, të ëmës. Më pas i vendosi një fashë në sy, në mënyrë që gruaja të mos mund të shikonte dhe u largua.
Fillimisht lojën për ta dalluar vetëm duke e prekur, e bëri një shok i Ryan dhe më pas ushtari amerikan. Ai u ul në gjunjë përpara të ëmës, në mënyrë që ajo të mund ta prekte në fytyrë.
Kaluan vetëm pak sekonda dhe nga goja e nënës dolën fjalët ‘Ryan’. Asaj i hiqen fashën që i mbulonte sytë dhe sapo pa të birin, ia nisi të qarit, nga emocionet dhe malli i tepërt. /tesheshi.com/
