Beg Rizaj është varrosur në Kompleksin Memorial të Dëshmorëve në Gllogjan të Deçanit. Në ceremoninë e zhvilluar sot pasdite kanë marrë pjesë një numër i madh qytetarësh si nga Deçani e Rrafshi i Dukagjini, por kishin ardhur nga të gjitha trevat, Shqipëria, Maqedonia, Lugina e Preshevës, Çamëria dhe diaspora.
Lamtumirën e fundit ia kanë dhënë shokët e tij të veshur me uniforma të UÇK’së.
Homazhet janë zhvilluar në Pallatin e Kulturës “Jusu Gërvalla” në Deçan në nderim të të rënit në Kumanovë Beg Rizaj. Para arkivolit të Beg Rizajt të mbuluar me flamurin kombëtar po bëjnë roje nderi bashkëqytetarë të tij të veshur me uniforma të UÇK-së.
Në përcjelljen e fundit shumë qytetarë të Deçanit kanë nderuar me homazhe para arkivolit të ish – luftëtarit të UÇK-së.
