Të paktën 400 civilë, pjesa më e madhe e së cilëve gra e fëmijë, janë vrarë nga ISIS në Palmira. Lajmi është bërë i ditur nga televizioni shtetëror sirian dhe agjencia e lajmeve Reuters.
Organizatat për të drejtat njerëzore kanë folur deri më tani për qindra kufoma të ushtarëve të regjimit nëpër rrugët e qytetit të vënë nën pushtimin e xhihadistëve.
Ndërkohë, ushtarët e koalicionit të drejtuar nga Shtetet e Bashkuara të Amerikës kanë sulmuar postet e ISIS pranë Palmirës, duke shkatërruar gjashtë sisteme të artilerisë ajrore. Lajmi është bërë i ditur nga Pentagoni. Bëhet fjalë për sulmet e para të koalicionit në provincën qendrore siriane të Homsit.
Shteti Islamik ka pushtuar Palmirën, qytetin i cili është pasuri botërore e njerëzimit, këtë të mërkurë. Arkeologë dhe ekspertë të zonës kanë komentuar sulmin e sotshëm duke konfirmuar se është shumë vonë dhe shumë pak për të ndaluar xhihadistët që të braktisin zonën. /tesheshi.com/
