Bota teknologjike tashmë prej kohësh është duke na surprizuar. Në fakt, ekzistojnë linja hekurudhore spektakolare, në të cilat udhëtojnë trena shumë të shpejtë, përveç se lëvizin nën ujë, ka edhe të tjerë që arrijnë në majat më të larta të maleve.
Por, në ndryshim nga të gjitha vendet e tjera, në gjermani është ndërtuar një hekurudhë, ku treni nuk udhëton mbi binarë, por poshtë tyre. Kjo hekurudhë e veçantë ndodhet në Wuppertal, në një distancë të vogël nga Dusseldorfi dhe quhet Schwebebahn.
Praktikisht, në vend që të ecë mbi binarë, treni i Wuppertal, lëviz poshtë tij, duke u mundësuar një pamje piktoreske të një pjese të qytetit, për të gjithë ata që preferojnë të udhëtojnë në këtë linjë.
Kjo hekurudhë është një nga më të vjetrat në botë në llojin e saj, e inauguruar për herë të parë në vitin 1901 dhe njëkohësisht është një nga mjetet e transportit më të përdorura nga banorët e vizitorët, të cilët duan të provojnë një eksperiencë ndryshe.
Linja kalon në rreth 30 stacione, disa prej të cilave janë historike ndërsa të tjera shumë moderne. Udhëtimi përfshin një rrugë prej 13 kilometrash dhe niset në Schwebebahn nga Vohwinkel e përfundon në Oberbarmen. /tesheshi.com/
