Ka qenë tema e ndryshimeve klimatike ajo që ka shtyrë presidentin e Shteteve të Bashkuara, Barack Obama të vizitojë Alaskën dhe me sa duket, e ka marrë shumë seriozisht këtë takim. Kështu, me këtë shpirt aventure, numri një i Shtëpisë së Bardhë i ka thënë ‘po’ pjesëmarrjes në emisionin “Running Wild With Bear Grylls” që transmetohet në NBC.
Në situata të veçanta, në limitet e ekstremitetit në pyjet e shtetit amerikan në kufi me Artikun, pranë protagonistit Bear Grylls, Obama bën gjithçka që të duket sa më sportiv dhe lehtësisht i përshtatshëm. Ai ka pranuar të hajë një pjesë nga një salmon gjysmë i vrarë nga një ari.
Obama tregon deri në një farë mase vlerësim kur drejtuesi i emisionit, nga Irlanda e Veriut nxjerr salmonin nga çanta duke i shpjeguar se truri, vezët dhe lëkura e salmonit ishin ndër ushqimet më të mira që mund të konsumohen.
“Ariu është një kuzhinier mediokër, por fakti që kemi ngrënë diçka që mund ta identifikojmë, është diçka kurajuese”,- ka thënë shefi i Shtëpisë së Bardhë gjatë drekës së tij në natyrë. Grylls është i famshëm për pjatat e tij me bazë insektesh. “Sigurisht që duhet ta themi se një pjesë e këtij salmoni është konsumuar më parë nga një ari. Ky detaj nuk mund të na shpëtojë”,- ka thënë Presidenti./tesheshi.com/
