Gjyshërit që kanë një shtëpi të tyren dhe përfitojnë nga mosha e pensionit për të bërë diçka që të kënaqin nipat e mbesat e vegjël në moshë, janë të shumtë në Shtetet e Bashkuara të Amerikës. Ajo që ka realizuar Jay Hewitt, një burrë i sapo bërë gjysh dhe prej pak muajsh në pension, kalon kufijtë e çdo imagjinate.
59 vjeçari Jay ka dy nipa të moshës 6 dhe 4 vjeç. Kur ka qenë ende në marrëdhënie pune, profesioni i tij ishte ndërtues. Vetëm tani mund të thuhet se ai ka bërë një vepër të fundit të mrekullueshme, pas shumë vite pune. “Edhe unë kam pasur një shtëpi në pemë kur isha fëmijë, por ishte shumë e vogël dhe pa hapësira, siç e kishin të gjithë në atë moshë. Përpara se të vinte në jetë nipi im i parë mendova se doja të realizoja për të shtëpinë më të mirë mbi pemë dhe më është dashur shumë kohë për ta ndërtuar, por mendoj se është çdo gjë siç duhet tani”, thotë Jay.
Shtëpia mbi pemë që nipat e tij do të kenë, është e destinuar të bëjë të gjithë fëmijët e Amerikës që ta kenë zili. E lartë plotë 12 metra, ajo ka plotë tre kate dhe brenda në të ndodhen të gjitha pajisjet, duke nisur nga ato me elektricitet, ajër të kodicionuar, dritare moderne etj. Shikoni galerinë e fotove më poshtë për të kuptuar tamam se çfarë shtëpie të mrekullueshme ka nderuar Jay./tesheshi.com/
