Dy arkitektë japonezë, Makoto Tanijiri e Ai Yoshida, kanë realizuar strehën ideale për të gjithë ata persona që adhurojnë leximin. Ata kanë ndërtuar një hotel, dhomat e së cilit janë librari të vogla dhe shtratet gjenden mes shkallëve të shumta.
Në këtë librari-hotel ndodhen mbi 1700 libra në gjuhën angleze dhe japoneze. Hoteli mund të mirëpresë maksimumi 30 persona dhe çmimi për një natë varion nga 3.800 në 6.000 yen, çka do të thotë rreth 29 dhe 45 euro.
Nga fotografitë që janë shkrepur nga vetë arkitektët e këtij projekti, duket se kemi të bëjmë me një ambient intim dhe të rehatshëm në 140 metra katrorë, në të cilën përfshihet edhe libraria si dhe shtratet që përbëhen nga një jastëk i thjeshtë e një dyshek i rehatshëm.
“Ndonjëherë, edhe pse mund të kemi në shtëpinë tonë një shtrat shumë të rehatshëm, për të lexuar mund të nevojitet një vend më interesant”,- thotë So Rikimaru, njëri prej përgjegjësve të kompanisë që merret me menaxhimin e këtij hoteli. “Donim të krijonim një vend në të cilin personat të mund të argëtoheshin dhe të flinin”,- shton ai. Kjo sipërmarrje është pritur me entuziazëm dhe shumë persona nga e gjithë bota janë mbledhur për të prenotuar një dhomë në këtë hotel. Të gjitha dhomat janë të rezervuara për deri në fund të nëntorit/tesheshi.com/
