Ka qenë britanikja Mirror ajo që ka shpërndarë në internet foton e tmerrshme dhe të turpshme që vjen nga një qytet i largët në Kinë, me emrin Nanjing. Bëhet fjalë për dy fëmijë, të cilët janë gjetur duke jetuar në kushte që me të vërtetë mund të cilësohen si në kufij të mbijetesës.
Ata duhej të ndanin hapësirën e tyre të jetesës me disa qenë dhe të ndanin edhe ushqimin e ujin e pijshëm në të njëjtën enë me këto kafshë. Ajo që e bën edhe më tragjike këtë ngjarje është fakti se fëmijët jetonin në brendësi të një zone të rrethuar me tel, shumë të vogël, në formën e një kafazi. Edhe historia e këtyre vogëlushëve është me të vërtetë prekëse.
Pasi ishin ndarë, prindërit e tyre kishin shkuar të jetonin në një qytet tjetër të Kinës, duke i lënë vogëlushët në kujdestarinë e gjyshit të tyre. Ai ishte një rritës profesionist i qenve dhe për të lehtësuar peshën e mbajtjes dhe rritjes së fëmijëve, kishe vendosur ti trajtonte ata si kafshë dhe ti edukonte në të njëjtën mënyrë, siç edukonte qentë e tij.
Për fat të mirë, mediat lokale janë interesuar në lidhje me këtë fakt dhe kanë detyruar autoritetet të ndërhyjnë dhe të marrin nën kujdestari fëmijët e vegjël, duke i shpëtuar përfundimisht nga kjo kafshëri./tesheshi.com/
