Dy vajza të sëmura rëndë, që pavarësisht moshës së re duhet të përballen me guxim ndaj çdo lloj kure që mjekët thonë se duhet tu nënshtrohen, kanë pushtuar zemrat dhe kanë prekur mjaft persona, falë një gjesti të tyre.
Familjarët u qëndrojnë afër dhe u japin mbështetjen e tyre vogëlusheve Maliyah dhe Madeline, respektivisht 5 dhe 3 vjç, por vetëm ato e dinë se çfarë do të thotë të durosh dhimbjet e tmerrshme në atë moshë.
Maliyah, më e madhja nga dy vajzat, vuan nga neuroblastoma, ndërsa Madeline nga leucemia. Ato janë njohur dhe janë bërë shoqe pasi gjatë kurimit në spitalin Pittsburgh në Shtetet e Bashkuara kanë ndarë të njëjtën dhomë.
Pas një kohe të gjatë të kaluar bashkë, Maliyah është transferuar në New York, ndërsa Madeline është kthyer në banesën e saj, pasi mbaroi ciklin e kemioterapisë.
Tazz Jones, nëna e Maliyah, ka ndarë në rrjetet sociale më 3 marsin që lamë pas një fotografi të dy vajzave të vogla, të cilat, të përqafuara vështrojnë botën nga dritarja e spitalit, në të cilën ndodheshin.
“Dua t’ia tregoj të gjithë botës këtë foto. Shumë persona më kërkojnë që të vijoj ta shpërndaj dhe ta shpërndajnë edhe ata, duke qenë se i ka prekur tej mase. Kjo është vlera e vërtetë e miqësisë”,- ka thënë ajo. /tesheshi.com/
