Modelet e flokëve dhe mënyra se si i mbajmë ato ndryshojnë nga stina në stinë, ashtu sikurse ndryshon moda e veshjeve, këpucëve, çantave apo edhe aksesorëve të tjerë. Një pjesë e madhe e femrave i kushtojnë një rëndësi dhe vëmendje të madhe flokëve e modelimit të tyre, pasi kot nuk thonë që flokët janë gjysma e bukurisë së njeriut.
Flokët e çrregullta janë ato që mbizotërojnë dhe që nuk janë aspak jashtë mode në këtë stinë, e që priten të vijojnë edhe në dimër. Nuk ngelen pas as modelet e ndryshme të gërshetave, të cilat mund të realizohen shumë kollaj e njëkohësisht ju bëjnë të ndiheni të veçanta.
Flokët e shkurtër gjithashtu janë të preferuarit e stilistëve, të cilët i sugjerojnë, por edhe në rast se nuk dëshironi të rrezikoni kaq shumë duke i prerë flokët shkurt fare, mund t’i mbani ato deri tek supet dhe herë pas here t’i kapni gjysmë bisht, siç ka qenë tendencë edhe gjatë verës. Për më tepër ju ftojmë të klikoni galerinë për t’u njohur me këto tendenca./tesheshi.com/
