Ndërkohë që ne punojmë, studiojmë dhe jetojmë përditshmërinë tonë, në botë ka nga ata persona të cilët përgatiten për të përballuar ndonjë apokalips të mundshëm, duke ndërtuar bunkerë nën tokë, nën rast katastrofash të mundshme.
Kjo modë e re është duke prekur gjithmonë e më shumë ata persona që kanë të ardhura të larta. Prej këtu ka lindur Survival Condo Project, një seri apartamentesh shumë luksoz të ndërtuar nën tokë, në bunkerë, të menduar për tu shitur tek personat e pasur, të cilët mendohet se do të arrijnë ‘t’i shpëtojnë fundit të botës’ në luks dhe elegancë.
Pjesa tjetër e personave duhet të punojnë fort për të blerë një banesë të tillë, ‘për të shpëtuar’ duke qenë se çmimi i tyre i përkon shumave marramendëse prej një milion e gjysmë dollarë e më shumë.
Blloku i këtyre ndërtesave është ndërtuar i gjithi nën tokë, duke përdorur një silos të vjetër në një zonë sekrete në Kansas. Një strukturë solide me mure të çimentuar dhe të trashë deri në tre metra. Për të mos lejuar që këta banorë të vuajnë, janë nderuar dritare të rreme me ekrane LCD. Ndër të tjera në çmim është e përfshirë një rezervë ushqimi të de-hidratuar i cili mund të konservohet për një kohë shumë të gjatë dhe del e tepron për të paktën 5 vite jetesë në bunker.
Në bllokun e ndërtesave nën tokë përfshihet edhe një sistem filtrimi, i cili rikuperon ujin duke eliminuar prej tij çdo lloj papastërtie. Edhe ajri pastrohet me filtra kimik e biologjikë. Me sa duket, çdo gjë është e përsosur dhe me nivel të lartë sigurie, por shpresojmë që të mos vijë asnjëherë dita kur këto banesa të duhet të përdoren./tesheshi.com/
