Pas asaj skene në parlament ku kreu i AAK, Ramush Haradinaj u pa të kthente një faqore raki, e madje të qeraste dhe kolegë të opozitës, shefi i diplomacisë
kosovare Hashim Thaçi, tha se duhet të ketë një test apo kontroll të alkoolit. Ai shtoi se ka veprime të dehjes në Kuvend.
“Duhet të dihet në çfarë gjendje futen deputetët brenda në Kuvendin e Kosovës”, tha numri 2 i qeverisë kosovare gjatë një interviste në Klan Kosova.
“Më i rrezikshëm është një deputet i dehur se një shofer i dehur, sepse një deputet i dehur merr në qafë një popull me veprimet e veta,” ka deklaruar Thaçi. /tesheshi.com/
