Juventusi është pranë një tjetër finaleje të Champions League-s vetëm pas dy vitesh. Fitorja 0-2 ndaj Monakos pak të sugjeron diçka tjetër.
Ishte një leksion taktik i “zonjës së vjetër” në “Stade Louis II”, që pas Barcelonës, mpin dhe dhe një ekip të tillë si Monako, po ashtu një makineri golash.
Dani Alves, 33 vjeç tashmë, mund të jetë në pjesën fundore të karrierës së tij, por u shfaq mbrëmë më i papërmbajtshëm se kurrë. Për çka dha në fushë, u cilësua dhe si njeriu i ndeshjes.
Do të kishte shkuar shumë më ndryshe sikur Gianluigi Buffon të mos kishte bërë një numër pritjesh shpëtimtare. Ndeshja e tij e 100-të në Champions League ishte e përsosur, ashtu si thuajse çdo herë.
Dy golat e argjentinasit Higuain shpjegojnë qartas pse Juventusi këmbënguli në marrjen e tij nga Napoli edhe përkundër një shifre të fryrë monetare.
“Ata kishin dy raste dhe shënuan dy gola, ne kishim shumë dhe nuk shënuam asnjë; kjo ishte e gjitha,” deklaroi pas takimit Mbappe, sulmuesi 18-vjeçar i Monakos.
Buffon përballë Mbappe-së; një moment kyç në fillimet e lojës. Veterani italian ia doli ta ndalonte të riun francez që kishte shënuar 18 gola në 18 ndeshjet e fundit.
Përvoja rezultoi fituese mbi rininë… /tesheshi.com/
