Pas ndërprerjes disajavore për shkak të pushimit veror, është rikthyer Formula 1, ku Sebastian Vettel është fituesi i Çmimit të Madh të Belgjikës.
Gjermani i Ferrarit realizoi një garë fantastike në pistën e Spa, duke ngushtuar diferencat me liderin e kampionatit, Leëis Hamilton në 17 pikë dhe rihapur kështu sfidën për titull. Hamilton u rendit i dyti, e treti erdhi Verstappen i Red Bull-it.
Gara pati një fillim paksa dramatik, tre makina, mes tyre McLareni i Fernando Alonso-s u përfshinë në një aksident me tërheqjen e tre pilotëve.
Në klasifikimin e përgjithshëm vijon të kryesojë Hamilton me 231 pikë, i ndjekur nga Vettel me 214 pikë.
Kjo është fitorja e 52-të e Vettelit në karrierë, e pesta e tij në këtë sezon, fitorja e tij e tretë në Spa dhe e para me Ferrari në Belgjikë që nga viti 2009, kur Kimi Reikkenen ishte fitimtar. /tesheshi.com/
