Në kundërpërgjigje ndaj sulmeve mbi anijet e tyre luftarake, forcat amerikanë kanë goditur vendndodhjet e radarëve në ato pjesë të Jemenit të kontrolluara nga husinjtë, rebelët e mbështetur nga Irani.
Të autorizuara nga presidenti Obama, këto sulme janë të parat që ndërmerren nga amerikanët ndaj pozicioneve të rebelëve në konfliktin jemenas.
Pentagoni ka njoftuar se sulmet kishin si objektiv radarët që kishin mundësuar hedhjen e raketave mbi anijet luftarake amerikane. Sipas tij, të tre vendndodhjet e radarëve ishin shkatërruar.
“Vlerësimet e para tregojnë se vendndodhjet u shkatërruan,” deklaroi zëdhënësi i Pentagonit, Peter Cook. “Këto sulme të kufizuara vetëmbrojtëse u kryen për të mbrojtur personelin, anijet tona, si dhe lirinë tonë të lundrimit.”
Reuters citon zyrtarë amerikanë të kenë deklaruar se radarët e goditur kishin qenë aktivë gjatë sulmeve në Detin e Kuq, e se vendndodhjet e tyre ishin në zona të mënjanuara, kur rreziku për viktima civile ishte i ulët. /tesheshi.com/
