I akuzuari si pjesëmarrës në vrasjen e Komandant “Shqiponjës”, ushtruesi i kreut të degës së BDI-së në Kumanovë, Bajram Limani, pranon fajin dhe deklaron se gjithçka ka ndodhur për vetëmbrojtje.
Në një prononcim telefonik për Alsat M, thekson se për momentin ndodhet i larguar në një vend të fshehtë por së shpejti do tu dorëzohet organeve të drejtësisë.
“Incidenti ka ndodhur në lokalin ‘Shpija Jonë’, i cili është kthyer në selinë provizore të degës së BDI-së. Ata kanë ardhur për të firmosur disa dokumente anëtarësie dhe situata ka agravuar. Më pas më kanë gjuajtur me karrige dhe mjete të forta, sitauta u përkeqësua më tej jemi kacafytur dhe…janë shkrepur pushkët. Kemi lëndime në fytyrë dhe stomak.
Më vjen shumë shumë keq, nuk duhej të ndodhte kjo tragjedi e madhe. Do të dorëzohemi dhe çfarë dimë do t’ia themi organeve të drejtësisë. Organet e drejtësisë do ta zgjedhin këtë punë, ne nuk i ikim përgjegjësisë. Ne jemi larguar prej rrëmujës, që mos të ndodhë diçka”. Limani para disa muajve u komandua si ushtrues detyre i kreut të BDI-së.
/tesheshi.com/
