Në fjalimin e parë të mbajtur në Parlamentin Europian, eurodeputeti me hije vrasësi Fredi Beleri, përcolli narrativën e mërzitshme të Athinës, duke thënë për Shqipërinë se, “fatkeqësisht, ky vend po largohet vazhdimit nga Evropa, në vend që t’i afrohet asaj”.
Ai barazoi veten me Berishën kur duke sulmuar Reformën në Drejtësi, tha se “situata aktuale në Shqipëri tregon se si reformat mund të kthehen lehtësisht në ‘bomba totalitare’ mbi themelet e një shteti demokratik.
Kjo u bë edhe me reformën në drejtësi të financuar, edhe nga burimet evropiane. Qeveria shqiptare e ka bërë shpesh krahun e saj gjyqësor, gjë që e bëri jo vetëm në rastin tim, por edhe kreut të opozitës zyrtare”.
Beleri vijoi me tej duke kontestuar dhe vetë BE-në në raport me Shqipërinë, kur tha se, “sa më e sigurt të konsiderohet mbështetja e saj për lidershipin e zotit Rama, aq më e fortë bëhet ndjenja antievropiane tek qytetarët e vendit”. Por këtë të fundit nuk iu referuar ndonjë treguesi anketor. Pra, nuk dihet se nga e nxjerr përfundimin se po shtohet ndjenja antieuropiane te shqiptarët.
Beleri, i cili njihet vetëm si ushtrues i profesionit të hidraulikut në jetë, ofroi recetën politike për Ballkanin Perëndimor, duke thënë se, “respekti ndaj Evropës duhet të jetë mënyra e vetme për anëtarësimin e shteteve kandidate”.
Kujtojmë se Fredi Beleri vijon të akuzohet si një ndër anëtarët e bandës vorioepiriote që në prill të vitit 1994 sulmoi postën kufitare shqiptare në Peshkëpi të Gjirokastrës, duke vrarë aty dy oficerë. /tesheshi.com/
