A e keni vërë re se ka disa fjalë të cilat kurrë nuk i mbajmë mend?! Sipas një studimi të McMaster University, nuk është fjala, por përpjekja për ta mbajtur mend ajo që duhet fajësuar për këtë.
Shkencëtarët u dhanë 30 studentëve përkufizimet e disa fjalëve dhe u pyetën nëse e dinin fjalën, nëse nuk e dinin, apo nëse e kishin në “majë të gjuhës” (atë që psikologët e quajnë TOT, apo gjendjen “në majë të gjuhës”).
Nëse e kishin fjalën “në majë të gjuhës”, studentëve u kërkohej që të kalonin 10 ose 30 sekonda duke u munduar ta kujtonin përpara se të shihnin se çfarë fjale ishte.
Dy ditë më pas, studentët u testuan për të njëjtat fjalë. Çuditërisht, në vend që ta kishin më të lehtë t’i kujtonin fjalët që më parë i kishin “në majët të gjuhës” tani ato fjalë i kishin praprë “në majë të gjuhës” si në fillim.
Kjo u ndodhte në mënyrë të veçantë atyre studentëve që mundoheshin më shumë për t’i kujtuar fjalët. /tesheshi.com/
