Për Neymar, Kupa e Botës në Katar nisi keq pavarësisht fitores 2-0 të Brazilit ndaj Serbisë.
Në këtë ndeshje, Neymar mori një “rrahje” të vërtetë nga lojtarët e Serbisë, të cilët u treguan shumë të ashpër në duelet me të. Herë të panumërta, Neymar e gjeti veten në fushë dhe në fund iu desh ta linte atë para kohës së planifikuar për shkak të lëndimit.
Ekzaminimet e hollësishme konfirmuan se ai do të mungojë për disa ditë, ndaj u konfirmua se nuk do ta shohim kundër Zvicrës në të dytin, si dhe ndaj Kamerunit në xhiron e tretë të fazës së grupeve.
Në fund të fundit, foli edhe Neymar, i cili dukshëm është shumë i zhgënjyer.
“Kur vesh fanellën e Brazilit ndjej vetëm krenari dhe dashuri për vendin. Nëse Zoti do më kishte dhënë mundësinë të zgjidhja vendin e lindjes, pa dyshim do të kisha lindur në Brazil.
Nuk i kam dëshiruar askujt të keqen dhe kam ndihmuar të dobëtit”, tha Neymar dhe vazhdoi:
“Sot ishte një nga ditët më të vështira në karrierën time. Kjo ndodhi përsëri në Kupën e Botës. Po, u lëndova, por jam i sigurt se do të kem akoma mundësinë të luaj në këtë turne dhe mendoj se mund të ndihmoj bashkëlojtarët dhe unë”, raporton SC Sport. /tesheshi.com/
