Në maratonën e gjatë të takimeve për eliminatoret europiane të botërorit Rusi 2018, mbrëmë janë luajtur nëntë takime të tjera, ku ka patur mjaft fitore të thella.
Kështu, Portugalia i është gëzuar fitores së parë, duke mposhtur 6-0 Andorrën. Katër gola janë shënuar nga Cristiano Ronaldo, që ka luajtur për herë të parë me përfaqësuesen që prej finales së Europianit.
Me të njëjtin rezultat, 4-1, kanë përfunduar dy prej takimeve, Francë – Bullgari dhe Holandë – Bjellorusi.
Ka patur dhe dy fitore 4-0. Me këtë rezultat Belgjika ka marrë tre pikët ndaj Bosnjë-Hercegovinës, siç ka bërë Estonia ndaj Gjibraltarit.
E pastër fitorja e Greqisë ndaj Qipros. 2-0 kanë fituar grekët, që kanë nisur t’u rikthehen rezultateve pozitive.
I bukur do të ishte takimi në Budapest midis Hungarisë dhe Zvicrës. Pesë gola ka patur pjesa e dytë, pas një 45-minutëshi të parë pa tundje rrjetash. Seferovic i ka kaluar miqtë në epërsi në minutën e 51-të, e fare pak më pas Szalai ka barazuar. Rodriguez i ka risjellë në avantazh zvicerianët, por ka qenë po Szalai që ka vënë përsëri barazpeshën. Stocker i ka dhënë përfundimisht fitoren, 2-3, Zvicrës në minutën e 89-të, me të zëvendësuar Mehmedi-n në fushën e lojës.
Suedia ka fituar minimalisht, 0-1, në transfertën e Luksemburgut.
Ishujt Faroe kanë bërë surprizën e vetme të mbrëmjes, duke fituar 0-2 ndaj Letonisë, e duke u ngjitur në vend të dytë në grupin B. Gëzimi i tyre është i destinuar të mos zgjasë shumë, pasi të hënën do të luajnë ndaj Portugalisë. /tesheshi.com/
