Presidenti i Federatës së Futbollit të Kamerunit, Samuel Eto’o, u pezullua nga FIFA të hënën me gjashtë muaj për sjelljen e tij në një ndeshje të Kupës së Botës për femra U-20.
Ish-ylli i Barcelonës u shpall fajtor për shkeljen e rregullave të FIFA-s në lidhje me “sjelljen ofenduese, shkeljen e lojës së ndershme dhe sjelljen e keqe nga lojtarët dhe zyrtarët”.
Akuzat lidhen me një ndeshje të Kamerunit kundër Brazilit, të cilën amerikano-jugorët e fituan 3-1 pas kohës shtesë.
Eto’o dhe delegacioni i Kamerunit protestuan ndaj penalltisë që çoi në barazimin e Brazilit në ndeshjen në Bogota të Kolumbisë më 11 shtator.
Eto’o është pezulluar nga ndjekja e ndonjë ndeshjeje të Kamerunit, pavarësisht gjinisë apo kategorisë së moshës, por dënimi nuk ndikon në rolin e tij si president i Fecafoot, federatës së futbollit të Kamerunit.
Në korrik, Eto’o u gjobit me 200,000 dollarë për një marrëveshje me një firmë llotosh në internet, e cila u cilësua si shkelje e rregullave të etikës nga Konfederata e Futbollit Afrikan.
Eto’o, i zgjedhur president i Fecafoot në vitin 2021, ka qenë gjithashtu në kundërshtim me ministrinë e sportit të vendit të tij, duke e quajtur “të paligjshëm” emërimin e belgut Marc Brys si trajner i ekipit kombëtar të meshkujve në fillim të këtij viti. /tesheshi.com/
