Zlatan Ibrahimoviç, veç futbollit tentoi të ishte dhe një personazh i botës së modës, të paktën me prezencën e një marke të tij në tregun e të brendshmeve. Por gjigandi suedeze Dagens ka njoftuar se Ibrahimoviç ndaloi prodhimin dhe mbylli plotësisht linjën e tij të modës A-Z. Në promovimin e markës, lojtari i futbollit investoi 21 milionë euro, por ky investim nuk iu kthye kurrë.
Në një bisedë me këshilltarët financiarë, Ibrahimoviç kuptoi se duhet ta zgjeronte me investime të mëtejshme markën A-Z, por ai njoftoi se po mendonte për të tjera projekte në të ardhmen ku shpresonte të kishte më shumë sukses se sa me linjën A-Z.
Zlatan Ibrahimoviç, ishte një ndër yjet e futbollit botëror të 15 viteve të fundit. Ai luajti me elitën e skuadrave italiane e disa prej atyre europiane, për ta transferuar karrierën në SHBA ku luan aktualisht. /tesheshi.com/
