Kreu i diplomacisë amerikane, Tillerson, ka përcjellë një urim për 105-vjetorin e Pavarësisë së Shqipërisë, duke theksuar statusin që gëzon vendi ynë në politikën e Uashingtonit.
“Shqipëria është një vend mik e aleat i vyer dhe Shtetet e Bashkuara. Ndaj, presim me kënaqësi përparimin tuaj të vazhduar drejt integrimit më të madh euro-atlantik dhe anëtarësimit në BE”, shprehet Tillerson, dukë dhënë dhe sinjalet e një përkrahjeje amerikane për politikën aktuale të Tiranës zyrtare.
“Përgëzojmë qeverinë e Shqipërisë për përpjekjet e saj të vazhduara për të vënë në zbatim reforma kyçe, përfshi reformën në drejtësi, luftën kundër korrupsionit, si dhe luftën kundër krimit të organizuar. Këto janë hapa të rëndësishme për të siguruar një të ardhme më të sigurt dhe të begatë për popullin tuaj”, thotë Sekretari amerikan i Shtetit, në mesazhin e tij. /tesheshi.com/
